Ha butnga hit karigumok hi ako an tumubo
Duha ka klase it hadi eridero ngan hinimo
Naging gamhanan ngan madig-on
An mga magluya nauripon
Waray pirmanente dinhi kundi an pagbag-o
Padayon it dalagan hit oras, di nababalik
Bis kadamot bulawan, di’t napapalit
Paghimos hit prinsipyo, tunok hit sakripisyo
Waray ka mahihimo kun lunod kana hit bisyo
Cge’t dalagan ngan tago ha realidad
It kasayuran waray ha edad
Kita-a daw la’t nananabo, puro buta, waray sabot
Ano nga di ka nanginsayod baga ka’t Nawad-an’t buot
Gamita it imo utok dire kaman ada bulok
Waray ka ba labot ky waray mo kilala
Waray ka ngaran ha ngaran nga napara
Pumatay ngan namatay mga kalag nga nawara
Luha hin nanay, dugo nagmamara
Kun gasi mo talwas kana’t sugad nga mga panhinabo
Mahuhuyang ka dida tim duyan, Buho iton sandigan mo
Kun gasi mo nalipat hi kamatayan ngan naguba an iya relo
Bangin malipat gud man hya ngan mapadali pa an oras mo
Ginlinimbungan mo tim kalugaringon tim
Yano yano nga pagtoo
Di kana makaghunahuna kun mabuthan ka ngan masudlan hn bala timo ulo
Ilulugar tim kumpyansa kun kinabuhi mo iton imo taya
Hino’t mapakiana kun yana di ka mapakiana kun kanay sala
Oras mo na ba? Salapi la ghap it dupot?
Tunokon it Dalan nga pinili mo ngan puno'n kasubo
Ayaw ka kaubos
Maglilikit ngan magdadagkot hasta
Tak mga mata mag bugat
Para’t mga magpula’t mata pero nakapukrat
Para’t magpula’t mata pero nakapukrat
